بصرت ونجمت كثيرا ،، لكني لم اعرف ابدا فنجانا يشبه فنجانك . لابصرت ولا نجمت ، ولا بعرف أبصر أو أنجم ، يسلم لي هالنت اللي ما خلى واحد عليك يهت ، شو ما بدك بجيب لك وما بخليك محتاج حدا . النت ما خلى على حدا ستر مغطى ، صار يا ولدي كله ، مكشوف مكشوف مكشوووووف ، يا ولدي .
بعد المقالة الاخيرة للعين ووزيرالاعلام المنتهية صلاحيته ، رحت أدور مشان أعرف اي نوع من المخلوقات هذا المخلوق . هل هو آدمي ولا مش آدمي ، صادق ، كاذب ، أمين ، خاين ، مستقيم ، منحرف ، وطنجي ، كندرجي ، نسونجي ، قلت بلاش حدا يطلع يقلي ، اللي ما بعرف الصقر يشويه .
كان فيه هناك شبه اجماع على مواصفات يتصف بها هذا المخلوق العجيب لا يختلف عليها اثنان وهي الانتهازية والتسلقية والوصولية واللعب على الحبال ، ينط من حبل الى حبل حتى يصل …… ، اضرب ، اسرق ، اهرب . هيك الله خلقه ، شو بدك تساوي ، طبع ، والطبع تحت الروح ما بروح الا اذا طلعت الروح .
أيوه … ماذا يقول النت عن القلابات والسميتريلات . ما بدي اتطرق الى موضوع الجيش وليش ما انقبل بالجيش وما هي الاسباب والتفسيرات المختلفة حول هذا الموضوع لاني لا أحب الخوض في الموضوعات الخلافية ، لكن اللي اقتنعت فيه ان عدم قبوله بالجيش كان سببا رئيسيا لاعلانه الحرب على النظام في بداية حياته ، ولو انه البعض بقول انه لم يكن ضد النظام وانما كان مثل ما بقولوا جزء من مهارته الفطرية في اللعب على الحبال .
ومن هظيك الايام ، من يوم ما سقط بفحص الجيش ، قال الكريم اخذوا ، من هظاك اليوم يا سبحان الله وهو يتقلب من جنب الى جنب ، كل ما نام على جنب بدير ع الجنب الثاني لا هو شبعان ولا قنعان ، كل ما سألوه هل امتلأت يقول هل من مزيد .
ا
