بدك الصحيح ولا ابن عمه ؟ نادرا ما استمع للراديو ، مش لانه الراديو عاطل لا سمح الله ، ابدا ، بس لأنه بعض اللي بالراديو عاطلين ، والراديو بده وقت وبده ظرف مناسب ، وأنا وقتي ضيق ، ما شاء الله علي ما بقدر أحك راسي ، لدرجة اني بفكر أعين لي واحد مخصوص للقيام بالمهمة !!
اصبح الراديو لربات البيوت يستعمل في المطابخ اثناء جلي الصحون وتقشير البطاطا ونقر الكوسا ، وللشفيرية اثناء صراعهم المحموم لالتقاط الركاب ، واذا كنت راكب من الركاب في باص أو سيارة عمومي بدك تسمع ان قلت آه او قلت لا ، هاظا اذا كنت زلمه وقدرت تقول لا . والا ، بدك تحط راسك بين الروس وتتحمل زناخة وقهقهات كل الرتب بما فيها الوكيل .
احاديث الشفيرية دائما عن الوكيل ، الحويان ، العمري ، . قال الوكيل ، حكى الوكيل ، طلع الوكيل ، نزل الوكيل . كل واحد منهم مستلم ميكرفون ويبيع علينا وطنية ، وانتماء ، وولاء ، وكأنه بس اللي معه ميكرون هو اللي عنده وطنية ، والناس الآخرين لازم يتعلموا منهم دروس . هاظا غير المتاجرة بألام واحزان وهموم الناس ودموعهم اللي جزء كبير منها ملفق ، حت
